Винченцо Монтелла Туркия терма жамоасининг Евро-2024 плей-офф босқичига чиқиш истагини маълум қилди.

Турклар бош мураббийи Грузия устидан қозонилган ғалабадан сўнг (3:1) ўз фикрларини билдирди.

"Биз дарвоза томон 22 та зарба бердик. Қаердадир улар эҳтиёткорлик билан ўйнашлари мумкин эди, лекин умуман олганда, менга кўрган нарса ёқди. ВАР иккинчи голни инобатга олмагач, биз бироз бўшашдик, аммо булар содир бўлади.

Грузия жисмоний жиҳатдан кучли, яхши ташкил этилган жамоа. Бу жамоа ўзининг кучли ва заиф томонларини билади ва шунга яраша ўйнади. Унинг якуний босқичга чиққани бежиз эмас эди.

Биринчи марта Евродаги очилиш ўйинида ғалаба қозондик. Охирги учта Европа чемпионатида биз гуруҳ босқичидан чиқа олмагандик, охирги марта бирорта ҳам очко ололмадик.

Биринчи мақсадимиз ушбу баҳсда ғалаба қозониш эди. Биз ғалаба қозондик, энди кейингисида ғалаба қозониб, плей-оффга чиқмоқчимиз", — деди Туркия терма жамоаси бош мураббийи.

2-турда Туркия 22 июнь куни Португалия билан ўйнайди.