Vinchenso Montella Turkiya terma jamoasining Yevro-2024 pley-off bosqichiga chiqish istagini ma’lum qildi.

Turklar bosh murabbiyi Gruziya ustidan qozonilgan g‘alabadan so‘ng (3:1) o‘z fikrlarini bildirdi.

"Biz darvoza tomon 22 ta zarba berdik. Qayerdadir ular ehtiyotkorlik bilan o‘ynashlari mumkin edi, lekin umuman olganda, menga ko‘rgan narsa yoqdi. VAR ikkinchi golni inobatga olmagach, biz biroz bo‘shashdik, ammo bular sodir bo‘ladi.

Gruziya jismoniy jihatdan kuchli, yaxshi tashkil etilgan jamoa. Bu jamoa o‘zining kuchli va zaif tomonlarini biladi va shunga yarasha o‘ynadi. Uning yakuniy bosqichga chiqqani bejiz emas edi.

Birinchi marta Yevrodagi ochilish o‘yinida g‘alaba qozondik. Oxirgi uchta Yevropa chempionatida biz guruh bosqichidan chiqa olmagandik, oxirgi marta birorta ham ochko ololmadik.

Birinchi maqsadimiz ushbu bahsda g‘alaba qozonish edi. Biz g‘alaba qozondik, endi keyingisida g‘alaba qozonib, pley-offga chiqmoqchimiz", — dedi Turkiya terma jamoasi bosh murabbiyi.

2-turda Turkiya 22 iyun kuni Portugaliya bilan o‘ynaydi.