Бельгия терма жамоаси ҳимоячиси Ян Вертонген Словакияга дастлабки ўйинда мағлуб бўлганига қарамай, жамоаси 2024 йилги Европа чемпионатининг плей-офф босқичига чиқишига ишонмоқда.
"Қизил иблислар” сенсацион тарзда 0:1 ҳисобида имкониятни бой беришди.
"Биз бу натижадан хафамиз. Жамоа кўп куч сарфлади ва ғалабага ҳақли эди. Аммо баъзида муваффақиятсизликлар содир бўлади. Бу мағлубиятдан кейин жамоага босим янада кучайди. Лекин мен ниманидир тубдан ўзгартиришимиз керак деб ўйламайман. Ишончим комилки, биз плей-оффга чиқамиз", - деди Вертонген RTBF билан суҳбатда.
