"Болонья" ва Италия терма жамоасининг марказий ҳимоячиси Риккардо Калафьори А Серияда қолишни афзал кўрмоқда.
22 ёшли футболчига "Ювентус" даъвогарлик қилмоқда ва уни қўлга киритишга Англия Премьер-лигасининг грандлари, жумладан "Ливерпуль" ва "Тоттенхэм" ҳам қизиқиш билдирмоқда. Журналист Фабрицио Романонинг сўзларига кўра, марказий ҳимоячи Италияда қолмоқчи. У аллақачон “Ювентус”га розилик берган, бироқ туринликлар ҳали ҳам “Болонья” билан келишувга эриша олмади – таклиф қилинган 20-25 миллион евро “Россоблу” учун етарли эмас.
Риккардо Калафьори сўнгги А Серия мавсумида 30 та ўйинда майдонга тушиб, 2 та гол урди ва 5 та голли узатмани амалга оширди.
