Швейцария терма жамоаси ҳимоячиси Фабиан Шер Шотландия билан Европа чемпионати гуруҳ босқичи ўйинида бурнини синдирган. Учрашув кеча, 19-июнь куни бўлиб ўтди ва 1:1 ҳисобида дуранг билан якунланди.
19-дақиқада Шер шотландиялик Энтони Ралстон билан тўқнашиб кетди ва иккала футболчи ҳам тиббий ёрдамга муҳтож бўлди, аммо улар ўйиннинг қолган қисмида ўйнашда давом этди.
“Менинг бурним синган. Кутганимиздек, тўқнашувлар ва дуеллар кўп бўлди. Улар бизнинг вазифамизни жиддий равишда мураккаблаштиради", – деди Шер.
