Словакия терма жамоаси бошқарувчиси Франческо Кальцона 2024 йилги Европа чемпионати гуруҳ босқичи 2-турида Украина термасига қарши ўйин ҳақидаги фикрлари билан ўртоқлашди.

"Камтарлик бизнинг энг катта кучимиздир. Биз ўз кучимизни 110 фоиз беришимиз керак, мухлисларимизни табассум қилишга ундаймиз. Олдинга ўтиш учун тўпланган уч очко етарли эмас. Ҳозирча нишонлаш учун ҳеч қандай сабаб йўқ. Жамоа энди бор эътиборини бўлажак учрашувга қаратган", – дея мутахассиснинг сўзларини келтиради УEФА матбуот хизмати.

Словакия ва Украина терма жамоалари ўртасидаги ўйин 21 июнь, жума куни Дюсселдорфдаги стадионда бўлиб ўтади.