"Манчестер Юнайтед" Жошуа Зиркзеенинг товон пулини тўлашга тайёр.
"Болонья" футболчисининг шартномасида кўрсатилган сумма 40 миллион евро ёки 33,8 миллион фунтни ташкил қилади.
Аввалроқ маълум бўлишича, "Юнайтед" 23 ёшли ҳужумчи вакиллари билан фаол музокаралар олиб бормоқда ва унинг трансферига жиддий қизиқиш билдирмоқда. Манкунианликларнинг бу ёздаги устувор вазифаси ҳужумчи ва таянч ярим ҳимоячи сотиб олиш.
Аввалроқ, "Милан" нидерландиялик футболчи билан шартнома бўйича келишиб олгани хабар қилинганди, бироқ итальян клуби Зиркзеенинг агентига жуда юқори комиссия тўлашга тайёр эмас.
