"Лилль" марказий ҳимоячиси Лени Йоро "Барселона" ва "Реал"нинг вундеркиндлари ҳақидаги саволга жавоб берди.
18 ёшли французнинг ўзи жаҳон футболининг асосий юксалиб бораётган юлдузларидан бири саналади: топ-клублар у учун курашмоқда, миш-мишларга кўра, "Реал Мадрид" у билан оғзаки равишда ҳам келишиб олган.
Журналистлар Йородан ўз авлодининг иккита энг ёрқин иқтидори "Барселона"дан Ламин Ямал ва "Реал"дан Арда Гюлердан бирини танлашни сўрашди.
"Уларни солиштириш мен учун қийин. Биз Ардани кўп кўрмадик, гарчи у жароҳатдан қайтганида "Реал"да тез-тез гол урган бўлса-да. Ламин ҳам жуда яхши ва у эндигина 16 ёшда", деди ёш марказий ҳимоячи.
