Омари Келлимен "Челси"га ўтишга яқин турибди.
The Telegraph хабарига кўра, "кўклар" "Астон Вилла" билан келишувга эришган. Ҳужумкор ярим ҳимоячи сифатида ҳам тўп тепа оладиган 18 ёшли вингерга 6 йиллик шартнома бўйича 19 миллион фунт тўланади ва яна бир мавсум узайтириш имконияти мавжуд.
Лондонликлар Англия U19 терма жамоаси футболчисига январь ойидан бери қизиқиш билдирмоқда. У ижарага юборилишидан олдин "Челси"да мавсумолди машғулотларини ўтказиши кутилмоқда.
2023/24 йилги Премьер-лигада Келлимен иккита ўйин ўтказди ва гол урмади.
