Испания терма жамоаси ва Бильбаонинг “Атлетик” клуби вингери Нико Уильямс Англия Премьер-лигасининг топ-клубида ўйнаш имкониятига эга. Бу ҳақда deadlinedaylive портали хабар берди.
"Ливерпуль" ҳужумкор футболчини сотиб олишга қизиқиш билдирмоқда. Уильямснинг меҳнат шартномасида 58 миллион еврога сотиб олиш варианти мавжуд. Испаниялик футболчининг трансферига "мерсисайдликлар"дан ташқари “Барселона” ва Франциянинг “ПСЖ” клублари ҳам қизиқиш билдирмоқда.
Испания чемпионатининг ўтган мавсумида 21 ёшли вингер "Атлетик"нинг 31 та учрашувида қатнашиб, 5 та гол ва 11 та голли узатмага муаллифлик қилган.
