Франция терма жамоаси ҳужумчиси Килиан Мбаппе Европа чемпионатининг 1-турида бўлиб ўтган Австрияга қарши баҳсда бурнидан жароҳат олганди. У Нидерландияга 2-тур ўйинида иштирок этмади. "Учранглилар" устози Дидье Дешам форварднинг аҳволи ҳақида маълумот бериб ўтди.

″...Мбаппе Польшага қарши ўйинда майдонга тушадими? Ҳаммаси тўғри йўналишда кетмоқда. У соғаймоқда, унинг юз қисмидаги кўкарган қисмлар камайиб бормоқда. У ниқобга кўникмоқда.

Учинчи тур ўйини учун мен танлайдиган таркиб гуруҳда юқори ўринни эгаллашимизга ёрдам беришини кўзлаяпман. Шундан кейин эса бизда дам олиш учун имконият бўлади. Шундан келиб чиқиб хулоса чиқариб олишингиз мумкин», – деди Дешам.

Франция – Польша ўйини 25 июнь куни бўлиб ўтади.