Англия терма жамоасининг собиқ футболчиси Гари Линекер жамоани Евро-2024 ўйинларида ўйин сифати учун қаттиқ танқид қилди.
"Уч шерлар" ҳужумчиси Харри Кейн Линекернинг сўзларига изоҳ берди.
"Собиқ футболчилар ёки мутахассисларнинг гапларини эшитмаслик керак. Бу муҳитга янги келган ўйинчилар учун жуда муҳимдир.
Мутахассислар ҳалол бўлишлари кераклигини тушунаман, лекин улар ўз масъулиятини ҳис қилишлари керак, чунки улар терма жамоада ўйнашган – одамлар нима деганига эътибор беришади, уларга қулоқ солишади.
Миллат сифатида биз узоқ вақтдан бери ҳеч нарса ютмаганмиз ва бу мутахассисларнинг аксарияти ҳам бунинг бир қисми.
Улар қанчалик қийинлигини билишади. Бу шунчаки ҳақиқат: йирик турнирларда ўйнаш қийин, Англия терма жамоасида ўйнаш қийин", - дея Кейннинг сўзларини келтирмоқда The Independient.
