Шотландия терма жамоаси топ-турнирда яна гуруҳдан чиқа олмади.
Евро—2024 гуруҳ босқичининг сўнгги турида Венгрияга мағлуб бўлган (0:1) Стив Кларк шогирдлари “А” гуруҳини бир очко билан 4-ўринда якунлади.
Шотландияликлар Европа чемпионатида тўртинчи марта иштирок этишди. Улар плей-оффга чиқишга энг яқин келгани 1996 йил бўлган: ўшанда улар қўшимча кўрсаткичлар (урилган голлар сони) бўйича Нидерландиядан ортда қолган учинчи ўринни эгаллади.
Жаҳон чемпионатида ҳам Шотландия ҳеч қачон плей-офф босқичига чиқа олмаган. Улар 8 марта бу турнирда гуруҳдан чиқишга ҳаракат қилишган.
