Бугун, 24 июнь куни Албания ҳамда Испания терма жамоалари ўртасида Европа чемпионати гуруҳ босқичи 3-тур учрашуви бўлиб ўтади.

Айни дамда Албания терма жамоаси ҳисобида бир очко бор. Агар албанлар Испанияни мағлуб этса, Италия эса Хорватияга ютқазса, жамоа иккинчи ўриндан 1/8 финалга йўл олади.

Агар Албания Испания билан дуранг ўйнаса, хорватлар эса италияликларга мағлуб бўлса, Албания терма жамоаси "B" гуруҳида учинчи ўринни эгаллайди ва ушбу позициядан плей-оффга чиқиш учун назарий имкониятга эга бўлади. Мағлубият Албанияга ҳеч қандай имконият қолдирмайди.

Эслатиб ўтамиз, ўз гуруҳларида учинчи ўринни эгаллаган энг яхши тўртта жамоа турнирнинг плей-офф босқичига йўл олади.

Аввалроқ, Албания терма жамоаси Италияга имкониятни бой берган (1:2), Хорватия билан дуранг ўйнаган (2:2).