Учрашув давомида ташаббусга эга бўлган гулистонликлар биринчи бўлим давомида мезбонлар дарвозаси олдида бир қатор хавфли вазиятларни содир этишди. Аммо якунловчи зарбани беришда меҳмонларга аниқлик етишмади.

Икиинчи бўлим эса майдон эгаларининг кескин ҳужумлари билан бошланди. Илҳом Жуманов қўриқлаган дарвозага жиддий хавф солишди. Лекин «Гулистон» ҳимоячилари ва дарвозабон И.Жуманов ишончли ўйнашди. Сирдарёликлар устози — Бахтиёр Ашурматов  вазиятни ўнглаш мақсадида янги кучларни майдонга туширди. Жумладан, тажрибали ҳужумчи Носир Отақўзиев ва ярим ҳимоячи Собир Усмонхўжаевларнинг сафга қўшилиши «Гулистон»нинг ўйинини янада кучайтирди. 63-дақиқада тошкентлик банкирлар ўз жарима майдончалари ичида «Гулистон» сардори Сарвар Жўраевни ўйин қоидасига хилоф равишда тўхтатиб қолишди. Натижада ФИФА рефериси Валентин Коваленко Михаил Спиридонов дарвозаси томон пенальти белгилади. Жарима зарбасини эса истеъдодли ҳужумчи Алишер Шоғуломов аниқ бажарди – 0:1. Орадан икки дақиқа ўтиб, «NBU-Осиё» ҳимоячилари ўта қўпол хатоликка йўл қўйишди. Бу совғадан эса Носир Отақўзиев унумли фойдаланди – 0:2.

Энди гулистонликлар Ўзбекистон Кубогининг 1/8 финалида «Олмалиқ» жамоаси билан орани очиқ қилишади.

«NBU-ОСИЁ» - «ГУЛИСТОН» - 0:2 (0:0). Тошкент. 53 томошабин.
Голлар: А.Шоғуломов (63-пен.), Н.Отақўзиев (65).
Огоҳлантириш: Т.Эникудзе (38).
«NBU-Осиё»: М.Спиридонов, В.Магерамов, О.Кумиков (М.Ражабов, 62), А.Абдуқодиров, К.Петров, Ж.Хошимов (Э.Фозилов, 82), А.Бобоев, Т.Эникудзе, Б.Раҳимов (Х.Ғофуров, 40), И.Каримов, Ф.Мирюнусов.
«Гулистон»:  И.Жуманов, Т.Шамситдинов, С.Жўраев, З.Қорақулов, А.Саттаев, Р.Ҳасанов, Р.Қодиров (С.Усмонхўжаев, 46), А.Шоғуломов, И.Раҳимов, К.Боев (Н.Отақўзиев, 46), И.Хайров (Э.Жаҳонов, 55).
Ҳакамлар: В.Коваленко, Р.Илясов, М.Саидқосимов (барчаси Тошкентдан).
Захирадаги ҳакам: А.Мўминов (Тошкент вилояти)
Назоратчи: И. Нехочин (Наманган).