Лондоннинг "Арсенал" клуби "Штутгарт" марказий ҳужумчиси Серу Гирассининг трансфери бўйича музокараларни бошлади. Бу ҳақда инсайдер Флориан Плеттенберг ижтимоий тармоқлар орқали хабар берди.

Футболчи учун курашда "канонирлар"нинг асосий рақиби Дортмунднинг "Боруссия"си ҳисобланади. "Асаларилар" Гирассининг агентига ҳужумчи ёзги трансфер ойнасида клуб учун устувор мақсад эканлигини маълум қилди.

Бундеслига ўтган мавсумида форвард 28 ўйинда майдонга тушиб, 28 гол ва 3 голга ассистентлик қилган. Гирассининг "Штутгарт" билан амалдаги шартномаси 2026 йилнинг ёзида якунига етади. Футболчининг бозор нархи 40 миллион еврога баҳоланмоқда.