Германия терма жамоаси дарвозабони Мануэль Нойер 2024 йилги Европа чемпионати гуруҳ босқичи 3-тури доирасида Швейцарияга (1:1) қарши ўйиндаги сейв ҳақида гапирди. Эслатиб ўтамиз, ярим ҳимоячи Гранит Жаканинг хавфли зарбасини дарвозабон қайтарди.
"Якунда ҳисоб 2:0 бўлиши мумкин эди, кейин эса қайтиш қийин бўларди. Олдимда ҳимоячи борлиги учун зарба бироз яширинди. Ростини айтсам, бу ажойиб зарба бўлди. Жака ажойиб зарбага эга, буни халқаро ўйинлардан ҳам, Бундеслигадан ҳам биламиз. У бундай голларни кўп маротаба урган. У ерда бўлиш жуда муҳим эди", - деди Нойер.
Евро-2024 Германияда 14 июндан 14 июлгача бўлиб ўтади. Гуруҳ босқичида биринчи ва иккинчи ўринни эгаллаган жамоалар ҳамда учинчи ўринни эгаллаган тўртта энг яхши жамоа 1/8 финалга йўл олади.
