Germaniya terma jamoasi darvozaboni Manuel Noyer 2024 yilgi Yevropa chempionati guruh bosqichi 3-turi doirasida Shveysariyaga (1:1) qarshi o‘yindagi seyv haqida gapirdi. Eslatib o‘tamiz, yarim himoyachi Granit Jakaning xavfli zarbasini darvozabon qaytardi.
"Yakunda hisob 2:0 bo‘lishi mumkin edi, keyin esa qaytish qiyin bo‘lardi. Oldimda himoyachi borligi uchun zarba biroz yashirindi. Rostini aytsam, bu ajoyib zarba bo‘ldi. Jaka ajoyib zarbaga ega, buni xalqaro o‘yinlardan ham, Bundesligadan ham bilamiz. U bunday gollarni ko‘p marotaba urgan. U yerda bo‘lish juda muhim edi", - dedi Noyer.
Yevro-2024 Germaniyada 14 iyundan 14 iyulgacha bo‘lib o‘tadi. Guruh bosqichida birinchi va ikkinchi o‘rinni egallagan jamoalar hamda uchinchi o‘rinni egallagan to‘rtta eng yaxshi jamoa 1/8 finalga yo‘l oladi.
