Силвиньо Албаниянинг Евро-2024 гуруҳ босқичида 4-ўринни эгаллаганини юқори баҳолади.
Албаниялик бош мураббий Испания билан ўйиндан сўнг (0:1) ўз фикрларини билдириб ўтди.
“Мен футболчиларим ва мамлакатим билан фахрланаман. Бу турнирда иккинчи марта иштирок этяпмиз. Биз учта ажойиб жамоага қарши кураша олдик.
Испания ажойиб даражада кучли жамоа бўлиб, ўртада техник ўйинчилар ва қанотларда тезкор ўйинчилар сизга кўп муаммоларни келтириб чиқариши мумкин.
Сўнгги йилларда испанлардан бундай ўйин кўрмадик. Улар тактик жиҳатдан жуда билимдон ва ҳақиқатан ҳам тезкор, шунингдек, ўтиш даврида жуда яхши ҳимояланишади.
Мен бу турнир ҳақида ўйлаб кўп соатлаб уйқуни йўқотдим, лекин биз юқори савияда баҳслашдик ва мамлакат биз билан фахрланиши керак. Биз бундай даражадаги турнирларда қатнашишга кўникишимиз керак", - деди Силвиньо.
