Килиан Мбаппе Европа чемпионатида илк бор гол урди.

Франция терма жамоаси ва "Реал" ҳужумчиси Польшага қарши Евро-2024 гуруҳ босқичида пенальтидан ҳисобни очганди. Польша ҳимоячиси Якуб Кивернинг Усмон Дембелега нисбатан қўполлиги учун белгиланган пенальтини Мбаппе голга айлантирди.

Бугунги ўйингача Мбаппе ҳеч қачон Еврода гол ура олмаганди - Килиан ушбу турнирдаги 6-ўйинида гол урди. Форвард Евро-2020 доирасидаги 4 та ўйинда ва жорий турнирда Австрия билан ўйинда гол ура олмаганди. Франциялик футболчининг Европа чемпионатларида дарвоза томон йўллаган 23-зарбаси гол бўлди.