Португалия терма жамоаси ҳужумчиси Жоау Феликс бош мураббий Роберто Мартинес билан можаро бўлгани ҳақидаги маълумотни рад этди.
"Мен бу хабарни ўқидим ва бу очиқ-ойдин ёлғон, акс ҳолда мен ҳозир бу ерда бўлмаган бўлардим. Бу менга, мураббийга ва бутун жамоага нисбатан ҳурматсизликнинг яна бир кўриниши.
Баъзида менинг профессионаллигим шубҳа остига олинади, лекин баъзи нарсалар шунчаки уйдирма. Мураббийнинг қарорларини ҳурмат қиламан, у таркибни танлайди. Суҳбатлашдик ва мен унга жамоага керак бўлганда доим ёрдам беришдан хурсанд бўлишимни айтдим", - дея футболчининг сўзларини келтиради журналист Алфредо Педулла.
