"Челси" ярим ҳимоячиси Коул Палмер Евро-2024'да Англия терма жамоаси сафида илк бор майдонга тушди. “Кўклар”нинг 22 ёшли етакчиси гуруҳ босқичининг сўнгги турида Словенияга қарши ўйиннинг 71-дақиқасида захирадан ўйинга қўшилди.
"Палмер ҳақиқатан ҳам ўйинимизга янгилик олиб келди, у жуда яхши эди. Коул бўш жойни яхши топади, у зўр техникага эга, у доим хотиржам", - дея Саутгейтнинг сўзларини келтиради УEФА матбуот хизмати.
Англиянинг жорий Евродаги олдинги иккита ўйинида Палмер захирада қолган эди.
