Дания терма жамоаси бош мураббийи Каспер Юльманн гуруҳ босқичи якунларидан кейин жамоасининг муваффақияти ҳақида гапирди. Данияликлар уч ўйинда ҳам дуранг ўйнаб, уч очко билан тўртликда иккинчи ўринни эгаллади.
Сўнгги тур учрашувида Скандинавия терма жамоаси сўнгги ўринни эгаллаган Сербия билан очко бўлишиб олди (0:0).
"Бу оғир, ҳиссий жанг, лекин биз шундай бўлишини билардик. Албатта, гол уриш яхши бўларди, лекин энди гуруҳдан чиққанимиздан хурсанд бўлишимиз керак. Биринчи мақсадимизга эришилди. Ўйинда яхшиланиши мумкин бўлган бир нечта нарса бор, лекин у менга жуда ёқди. Биз Дания футболини муносиб ҳимоя қиламиз", - дея Юльманннинг сўзларини келтиради УEФА расмий сайти.
