Дания терма жамоаси ҳимоячиси Йоаким Меле Германия терма жамоаси билан бўлажак учрашув ҳақида ўз фикрлари билан ўртоқлашди.
Данияликлар гуруҳда уч марта дуранг ўйнаб, Англиядан кейин иккинчи ўринни эгаллади. 1/8 финалда Каспер Юльманн шогирдлари мусобақа мезбонлари “А” гуруҳида ғолиб чиққан Германия терма жамоаси билан тўқнаш келишади.
"Германия жуда яхши жамоага эга, биз уларнинг фазилатларини биламиз. Немислар ўз уйларида ўйнашмоқда, аммо биз турнир ғолиби бўлишни истасак, барчани мағлуб этишимиз керак, шунинг учун қайси босқичда учрашишимиз муҳим эмас. Биз ғалаба қозонишимиз керак", - дея Меленинг сўзларини келтиради УEФА матбуот хизмати.
Германия ва Дания учрашуви 29 июнь куни бўлиб ўтади.
