Машҳур америкалик боксчи Майк Тайсон ўзининг ижтимоий тармоқларида янги пост жойлаштирди ва унда афсонавий бразилиялик футболчи Роналдо билан тушган суратини кўрсатди.

Тайсон суратга “Феномен ва Темир Майк” изоҳ ёзган.

Тайсон профессионал фаолияти давомида 58 та жангда қатнашиб, 50 та ғалаба (44 таси нокаут) ва 6 тасида мағлубият аламини тотиб кўрган. Машҳур спортчи иштирокидаги иккита жанг ҳақиқий эмас деб топилган. Майк ҳозир 57 ёшда.

Кўпгина мутахассислар Роналдони футбол тарихидаги энг яхши футболчилардан бири деб билишади. У икки карра “Олтин тўп” соҳиби ва “Олтин бутса”ни ҳам қўлга киритган. Роналдо ҳозирда 47 ёшда.