Грузия терма жамоаси футболчиси Хвича Кварацхелия жамоанинг Евро-2024 плей-офф босқичига чиқиши ҳақида фикр билдирди. Вилли Санол шогирдлари гуруҳ босқичининг сўнгги туридан ўрин олган учрашувда Португалия терма жамоасини мағлуб этишди (2:0).
"Наполи" билан Скудеттони қўлга киритганим мен учун унутилмас лаҳза бўлди, аммо ҳозир мен бахтлироқман, чунки терма жамоада ўйнаш менда ўзгача ғурур туйғусини уйғотади. Албатта, А Серия чемпионлигини қўлга киритиш ҳам орзум рўёбга чиқди, аммо бугун ҳаётимдаги энг бахтли кун. Туйғуларимни сўз билан ифодалаш қийин", — деди Кварацхелия ўйиндан сўнг.
