Грузия терма жамоаси бош мураббийи Вилли Саньоль жамоасининг Европа чемпионати плей-офф босқичига чиққани ҳақида гапирди. Грузинлар сўнгги тур учрашувида Португалия терма жамоаси устидан қозонилган сенсацион ғалаба (2:0) эвазига гуруҳда учинчи ўринни эгаллашга муваффақ бўлди.
"Биз бор эътиборимизни турнирга қаратганмиз, аммо ҳозир нима қилганимизни англаш қийин ютқазганимиздагина муваффақият қозонишимиз мумкин. Жамоадан қанчалик фахрланаётганимни сўз билан таърифлаб бера олмайман. Учрашувдан олдин футболчиларга тўпсиз интизомни сақлаб, ўз футболларини кўрсатишларини айтдим.
Мен уларга 16-17 ёшда қандай ўйнаганларини эслаб қолишни маслаҳат бердим ва улар бу вазифани шунчаки ажойиб тарзда бажарди", - дея Саньолнинг сўзларини келтиради УEФА матбуот хизмати.
1/8 финалда Грузия терма жамоаси Испанияга қарши баҳс олиб боради. Учрашув 30 июнь куни бўлиб ўтади.
