"Тоттенхэм" "Челси" ярим ҳимоячиси Конор Галлахерни сотиб олишдан бош тортиши кутилмоқда.
24 ёшли футболчига ўтган йилдан бери "шпорлар" қизиқиш билдирмоқда, бироқ "Челси" тарбияланувчисининг шартномасидаги қийин вазиятга қарамай, ён беришга шошилмаяпти. Журналист Том Элнуттнинг сўзларига кўра, "Тоттенхэм" ҳали ҳам англиялик ярим ҳимоячини ўз сафига жалб қилмоқчи, аммо "кўклар" талабларини камайтирмаса, бу ғоядан воз кечади.
"Челси" раҳбарияти Конор Галлахерни 50 миллион фунт (59 миллион евро) деб баҳоламоқда. Футболчининг амалдаги меҳнат шартномаси бир йилдан кейин тугайди.
