Тез орада "Манчестер Юнайтед" мураббийлар штабида ўзгаришлар бўлади.
Ҳужумчилар билан ишлашга маъсул бўлган Бенни Маккарти клубдаги ўрнини тарк этади, дея хабар беради журналист Энди Миттен. Жанубий африкалик мутахассиснинг шартномаси июнь ойи охирида тугайди ва у узайтирилмайди. Тахминларга кўра, Маккарти ўрнини Руд ван Нистелрой эгаллайди. Шунингдек, Нидерландиянинг "Гоу Эхед Иглс" жамоасининг амалдаги бош мураббийи Рене Хаке ҳам тен Хагнинг мураббийлар штабида лавозим олиши мумкин.
Бенни Маккарти 2022 йилнинг ёзидан бери “Манчестер Юнайтед”да ишлайди. Футболчи сифатида у "Аякс" Амстердам, "Порту", "Вест Хэм" ва бошқа машҳур клублар шарафини ҳимоя қилган.
