Туркия терма жамоаси ҳужумчиси Женк Тосун Евро-2024да Чехия устидан қозонилган ғалабадан сўнг ўз фикрларини билдириб ўтди.
26 июнь куни бўлиб ўтган ўйин 2:1 ҳисобида якунланди, Тосун ғалаба тўпини киритди. 1/8 финалда Туркия Австрия билан учрашади, учрашув 2 июль куни бўлиб ўтади.
"Гол урганимдан жуда хурсандман, муҳими, жамоам ғалаба қозонди. Биз 2008 йилги Европа чемпионатидаги каби муваффақиятни орзу қиламиз. Мухлисларимизга ҳам раҳмат айтмоқчиман.
Улар бизни чинакам қўллаб-қувватлашади, биз улар учун ўйнашда давом этамиз. Австрия биздан олдинда. Март ойида бўлиб ўтган ўртоқлик учрашувида улардан оғир мағлубиятга учрагандик. Бу сафар ғалаба қозонишни истаймиз", - деди ҳужумчи Чехия билан ўйиндан кейин.
