Қозоғистон терма жамоасининг янги бош мураббийи Станислав Черчесов қозоқ тилини ўрганишни бошлади.
“Черчесов биринчи қозоқ тили дарсига ташриф буюрди. Бош мураббийга маърузани қозоқ тили бўйича таниқли мутахассис Канат Тасибеков ўқиди.
Тасибеков йил охиригача бош мураббийни имкон қадар кўпроқ гапиришга мажбур қилишга ҳаракат қилишини айтди”, — дейилади мамлакат футбол федерацияси баёнотида.
Аввалроқ Черчесов матбуот анжуманида журналистлардан бири билан тушунмовчиликка учраган эди. Унга қозоқ тилида савол беришгани мураббийга ёқмади.
