Ҳимоячи Дин Хёйсен яқин кунларда «Ювентус»ни тарк этади. Нуфузли инсайдер Фабрицио Романонинг ижтимоий тармоқларда хабар беришича, туринликлар 19 ёшли футболчини тахминан 25 миллион еврога (плюс бонуслар) сотади.
Қайд этилишича, Хёйсенга Европанинг бир қанча клублари қизиқиш билдирмоқда. «Ювентус» футболчини сотишга тайёр ва яхшироқ таклиф кутмоқда. Бу ёзда «кекса синьора» ҳимоя марказида яна камида битта футболчи билан шартнома имзолайди.
Эслатиб ўтамиз, Дин Хёйсен «Ювентус»нинг ёшлар жамоалари орқали асосий таркибга кўтарилган. 2023/2024 йилги мавсумнинг иккинчи қисмида футболчи «Рома»да ижара асосида ўйнади.
