Германия терма жамоаси бош мураббийи Юлиан Нагельсманн Данияга қарши Евро-2024 1/8 финал учрашуви олдидан ўз фикрларини билдириб ўтди.
Эслатиб ўтамиз, учрашув 29 июнь куни бўлиб ўтади ва Тошкент вақти билан соат 00:00да бошланади.
«Дания жуда яхши ташкил этилган жамоа. Баъзида улар жуда агрессив ҳимояланишади, лекин кейин бир тегиниш билан ажойиб ҳужумлар қилишади. Уларнинг таркибида кўплаб тажрибали ўйинчилар бор ва аниқ тузилма. Бу кучли рақиб, албатта.
Дортмунддаги стадион одатда жуда шовқинли ва мен буни рақиб мураббийи сифатида кўп марта бошдан кечирганман. Умид қиламанки, эртага трибунадан ҳам худди шундай шовқин эшитилади», - деди немислар мураббийи.
