"Барселона" марказий ҳимоячиси Иньиго Мартинес клубнинг футболчиларни рўйхатдан ўтказиш билан боғлиқ қийинчиликлари ҳақида хотиржам фикр билдирди.
33 ёшли футболчи Каталония гиганти ҳозирда уни рўйхатдан ўтказа олмаслигини тушунади, аммо хавотир аломатлари йўқ. Mundo Deportivo хабарига кўра, Мартинес мавсумолди йиғинлар бошланганда жамоага қайтади ва одатдагидек янги мавсумга тайёргарлик кўради. Марказий ҳимоячи клубни тарк этиш ниятида эмас.
Иньиго Мартинес ўтган ёзда "Атлетик Бильбао"дан эркин агент сифатида "Барселона" сафига қўшилди. Футболчининг "блауграна" билан шартномаси бир йилдан кейин тугайди.
