Италия терма жамоаси бош мураббийи Луцано Спалетти Евро-2024 1/8 финалида Швейцарияга қарши ўйиндан олдинги фикрлари билан ўртоқлашди.
"Мухлислар ғурурланиши учун биз ҳозиргача ўйнаганимиздан яхшироқ ўйнашимиз керак. Бизда қийин гуруҳ бор эди, айтиш мумкинки, босим футболчиларга ҳам, менга ҳам эди. Энди бу гуруҳдан ўтганимиздан кейин жамоани янада хотиржам бўлганини кўряпман.
Биз ҳали тўлиқ салоҳиятимизни кўрсата олганимиз йўқ – тўғрироғи, муваффақиятга эришдик, фақат чақнашларда. Сўнгги дақиқада гол урган бўлсак ҳам, яхшироқ ўйин кўрсатишга ҳақли эдик. Лекин характер жиҳатидан олдинга қадам ташлашимиз керак", - деди Спалетти.
Италия - Швейцария учрашуви соат 21:00да бошланади.
