"Манчестер Юнайтед"нинг собиқ ҳимоячиси ва футбол эксперти Гари Невилл, агар у Гарет Саутгейт ўрнида бўлса, Евро-2024 доирасидаги Словакияга қарши ўйинда Англия терма жамоасининг асосий таркибида учта ўзгариш қилишини айтди.
Невилл қуйидаги ўзгаришларни афзал кўришни таклиф қилди:
ўнг қанот ҳимоячиси Трент Александр-Арнольднинг асосий таркибга киритилиши, бир вақтнинг ўзида ҳимоянинг чап қанотига Кайл Уокернинг ўтказилиши;
Словения билан Евро-2024 гуруҳ босқичи 3-тур учрашувида майдонга тушган Конор Галлахер ўрнига марказий ярим ҳимоячи Кобби Майнунинг майдонга тушиши (0:0);
Биринчи дақиқалардан ҳужумчи Букайо Сака ўрнига ярим ҳимоячи Коул Палмернинг майдонга тушиши.
