Дортмунднинг "Боруссия" клуби футболчига "ПСЖ"дан қизиқиш билдирганига қарамай, Франциянинг "Лион" клуби ҳужумчиси Раян Шеркини сотиб олмоқчи. Бу ҳақда Footmercato хабар бермоқда.
Манбага кўра, "Боруссия Д" футболчи учун курашда парижликлардан сезиларли даражада олдинда. Қайд этилишича, Дортмунд клуби вакиллари айнан “Боруссия”да футболчи ўз имкониятларини очиб бера олади, деб ҳисоблашмоқда.
Ўз навбатида "ПСЖ" Шерки атрофидагиларга футболчи Францияда қолиши кераклигини айтяпти.
Шерки жорий мавсумда “Лион” сафида барча мусобақаларда 39 та ўйин ўтказиб, 3 та гол ва 9 та голли узатмани амалга оширди.
