Франция терма жамоаси ярим ҳимоячиси Адриен Рабьо Италиянинг Евро-2024даги омадсизлиги у учун кутилмаган бўлмаганини тан олди.

Италияликлар Европанинг амалдаги чемпиони сифатида 1/8 финал босқичида Швейцария термасига имкониятни бой беришди (0:2).

“Гуруҳ босқичида кўрганларимиздан келиб чиқиб, буни кутиш мумкин эди. Швейцария анча яхши ўйнади ва Италиянинг мағлуб бўлиши мени ҳайратда қолдирди деб айта олмайман. Бу янги мураббийга эга ёш жамоа, уларга вақт беришимиз керак. Келгуси йилларда италияликларда ҳали ҳам кўпроқ ютуқларга эришиш имкони бўлади", - деди франциялик футболчи Бельгия билан ўйиндан (1:0) сўнг.