Fransiya terma jamoasi yarim himoyachisi Adriyen Rabyo Italiyaning Yevro-2024dagi omadsizligi u uchun kutilmagan bo‘lmaganini tan oldi.

Italiyaliklar Yevropaning amaldagi chempioni sifatida 1/8 final bosqichida Shveysariya termasiga imkoniyatni boy berishdi (0:2).

“Guruh bosqichida ko‘rganlarimizdan kelib chiqib, buni kutish mumkin edi. Shveysariya ancha yaxshi o‘ynadi va Italiyaning mag‘lub bo‘lishi meni hayratda qoldirdi deb ayta olmayman. Bu yangi murabbiyga ega yosh jamoa, ularga vaqt berishimiz kerak. Kelgusi yillarda italiyaliklarda hali ham ko‘proq yutuqlarga erishish imkoni bo‘ladi", - dedi fransiyalik futbolchi Belgiya bilan o‘yindan (1:0) so‘ng.