Пойтахтимиздаги Олимпия ва Паралимпия шон-шуҳрати музейида Ўзбекистон делегациясини Париж-2024 ХХХIII ёзги Олимпия ўйинларига тантанали кузатиш маросими бўлиб ўтди.

Тадбирда сўзга чиққан Ўзбекистон Республикаси Бош вазири Абдулла Арипов ўз нутқида Париж-2024 Олимпия ўйинлари ғолиб ва совриндорларига давлат томонидан бериладиган мукофот пуллари ҳақида хабар берди. Унга кўра, Токио-2020 Олимпиадасидаги мукофот пуллари амалда ўз кучида қоладиган бўлди.

Яъни, Олимпиада чемпионлари 200 000 АҚШ доллари, кумуш медаль соҳиблари 100 000, бронза медал совриндорлари эса 50 000 долларга эга бўлади.