Бильбаонинг "Атлетик" клуби ва Испания терма жамоаси вингери Нико Уильямс "Челси"нинг трансфер мақсади бўлиб қолмоқда.
Лондон клуби испанияликнинг амалдаги шартномасида кўрсатилганидек, 60 миллион евро товон пули тўлашда муаммога дуч келмайди, шунингдек, футболчига керакли маошни ҳам беради - йилига 15-20 миллион евро, дея хабар беради журналист Давид Бернабеу. Шунга қарамай, Уильямс барибир "Барселона"га ўтиш вариантини афзал кўрмоқда. 21 ёшли футболчи "блауграна"дан таклиф кутади.
"Барселона" бир неча ойдан бери Нико Уильямсга асосий даъвогар сифатида кўрилмоқда, бироқ молиявий қийинчиликлар уларга трансферни амалга оширишга тўсқинлик қилмоқда. Кўринишидан, каталонияликлар қиммат футболчиларидан бирини сотган тақдирдагина келишув амалга ошиши мумкин.
