Аргентина терма жамоаси Канада (2:0), Чили (1:0) ва Перу (2:0) термаларини мағлуб этиб, Америка кубоги гуруҳ босқичидан анча ишончли тарзда ўтди.
"Альбиселесте" сардори Лионель Месси соғлиғидаги муаммолар туфайли учинчи ўйинни ўтказиб юборди. ESPN телеканалининг Аргентина футбол федерациясига таяниб хабар беришича, Месси аллақачон умумий гуруҳдаги машғулотларни қайта бошлаган.
Шу тариқа, Месси Аргентина терма жамоаси сафида Америка Кубоги чорак финалида Эквадорга қарши ўйнаши керак. Эслатиб ўтамиз, 37 ёшли Месси ҳозирча Америка кубогида гол ура олмаган.
