Диого Кошта пенальтини амалга ошира олмаганидан кейин Криштиану Роналдуни қўллаб-қувватлади.

Португалия терма жамоаси Словенияни пенальтилар сериясида (0:0, 3:0) енгиб, Евро-2024 чорак финалига чиқди. Кошта кетма-кет учта зарбани ҳам тўхтатди.

Қўшиб берилган дақиқаларда Роналду пенальтини амалга ошира олмади – ҳужумчининг зарбасини Ян Облак қайтарди. Ўйиндан кейинги серияда Криштиану биринчи бўлиб зарба берди ва унинг уриниши голга айланди.

“Биз ҳаммамиз биламизки, Криштиану энг кўп ҳаракат қилади. Унинг қанчалик хафа эканлигини тушунаман, чунки у бутун вақтини бунга бағишлайди. У билан бир жамоада бўлиш мен учун бахт ва шараф.

Биз бир оиламиз, мен шундай деб ўйлайман. Мен бор эътиборимни имкониятлардан унумли фойдаланишга қаратганман ва жамоага ёрдам беришни хоҳлардим. Бу энг муҳими”, - дейди португалиялик дарвозабон.