Бу ёзда испаниялик ҳимоячи Марио Эрмосо Мадриднинг «Атлетико» клубини тарк этди. Хабарларга кўра, «Зенит» ва бошқа номи ошкор этилмаган РПЛ клуби 29 ёшли Эрмосони ўз сафига қўшиб олиш имкониятига қизиқиш билдиришган, аммо рад жавоби берилган. Шу билан бирга, манбанинг таъкидлашича, агар ҳимоячи Европада қизиқарли вариант топа олмаса, Эрмосонинг РПЛга ўтиши август ойида содир бўлиши мумкин.
Ўтган мавсумда испаниялик барча турнирларда 45 та ўйинда иштирок этиб, иккита гол урди ва иккита голли узатмани амалга оширди.
"Transfermarkt" маълумотларига кўра, Эрмосонинг нархи 25 миллион еврога тенг.
