"Ницца"нинг франциялик ярим ҳимоячиси Кефрен Тюрам фаолиятини "Ювентус"да давом эттиради. Бу ҳақда RMC Sport хабар бермоқда.
Манбага кўра, 23 ёшли футболчининг хариди "Ювентус"га бонусларни ҳисобга олмаганда 20 миллион еврога тушади. Тюрам туринликлар билан 2029 йилгача шартнома имзолаши кутилмоқда.
Ўтган мавсумда Тюрам Франция чемпионатининг 27та ўйинида майдонга тушиб, битта гол урган. Тюрамнинг "Ницца" билан амалдаги шартномаси келаси ёзгача амал қилади. Transfermarkt портали маълумотларига кўра, ярим ҳимоячининг нархи 35 миллион еврони ташкил қилади.
