Туркия терма жамоаси бош мураббийи Винченцо Монтелла футболчиларининг Европа чемпионати 1/8 финалида Австрия терма жамоасига қарши ўйиндаги ғалабаси (2:1) ҳақида фикр билдирди.
"Жамоамиз сўнгги дақиқаларгача жанговар руҳ кўрсатди. Гуруҳ босқичининг дастлабки ўйинларида бу борада вақти-вақти билан муаммолар бўларди, аммо биз характерни тикладик.
Биз Евро-2008'даги ғалабалар сонини такрорладик. Бу жуда муҳим ютуқ. Навбатдаги рақибимиз Нидерландия, шерлардек курашадиган жамоа. Биз психологик ва жисмоний куч йиғиб, йўлимизни давом эттирамиз", - дея Монтелланинг сўзларини келтиради УEФА расмий сайти.
