Нидерландия терма жамоаси Евро-2024 1/8 финалида Руминияни 3:0 ҳисобида мағлуб этди.
Нидерландия терма жамоаси ҳужумчиси Коди Гакпо ушбу ўйинда гол урди ва голли узатмани амалга оширди. Унинг учун бу тўп турнирдаги 3-голга айланди.
Opta портали хабарига кўра, Гакпо икки йирик турнирда 3+ гол урган тарихдаги учинчи нидерландиялик футболчи бўлди (форвард Қатардаги жаҳон чемпионатида ҳам 3 та гол урган).
Илгари буни фақат Жонни Реп (1974 йилги жаҳон чемпионати ва 1978 йилги жаҳон чемпионати) ва Денис Бергкамп (Евро-1992, 1994 йилги жаҳон чемпионати ва 1998 йилги жаҳон чемпионати) амалга оширганди.
