«Барселона» Уругвай терма жамоаси вингери билан шартнома имзолаши мумкин.
"El Chiringuito" телеканали журналисти Маркос Бенитонинг хабар беришича, каталонияликлар «Толука» футболчиси Максимилиано Араухога қизиқиш билдирмоқда. 24 ёшли футболчининг шартномасида товон пули 20 миллион еврони ташкил этади.
Агар «Атлетик» вингери Нико Уильямс билан шартнома имзоланмаса, Араухо захира вариант сифатида қаралади.
Қайд этилишича, «Барселона» спорт директори Деку уругвайлик футболчининг Америка кубогидаги ўйинларини диққат билан кузатиб боради.
2023/24 йилги мавсумда Мексика олий лигасида Араухо 34 ўйин ўтказиб, 3 та гол урган.
