“Ювентус”нинг собиқ ҳимоячиси Жоржио Кьеллини Поль Погбани қўллаб-қувватлади.
31 ёшли франциялик футболчи допинг-тестдан ўта олмагани учун 4 йилга дисквалификация қилинди. Футболчи бу қарорга шикоят қилмоқда ва унинг "Ювентус" билан шартномаси ҳалигача бекор қилинмаган.
"Погба "Ювентус"га болалигида келган, ҳамма уни дарҳол ёқтириб қолган. У авлоднинг асосий истеъдодига айланиши мумкин эди, аммо жароҳатлар унга халақит берди. Умид қиламанки, у яна ўйнаб, яна ўзини кўрсата олади. Мен барча тафсилотларни билмайман, лекин у аниқ хато қилди. Мен уни яна майдонда кўришни хоҳлайман, чунки у ҳақиқатан ҳам олтин бола”, - деди Кьеллини Sky Sport нашрига берган интервьюсида.
