“Yuventus”ning sobiq himoyachisi Jorjio Kyellini Pol Pogbani qo‘llab-quvvatladi.
31 yoshli fransiyalik futbolchi doping-testdan o‘ta olmagani uchun 4 yilga diskvalifikasiya qilindi. Futbolchi bu qarorga shikoyat qilmoqda va uning "Yuventus" bilan shartnomasi haligacha bekor qilinmagan.
"Pogba "Yuventus"ga bolaligida kelgan, hamma uni darhol yoqtirib qolgan. U avlodning asosiy iste’dodiga aylanishi mumkin edi, ammo jarohatlar unga xalaqit berdi. Umid qilamanki, u yana o‘ynab, yana o‘zini ko‘rsata oladi. Men barcha tafsilotlarni bilmayman, lekin u aniq xato qildi. Men uni yana maydonda ko‘rishni xohlayman, chunki u haqiqatan ham oltin bola”, - dedi Kyellini Sky Sport nashriga bergan intervyusida.
